Златна лира 2024: Подиум на млади

  • 16.10.2024
  • Концерти, Актуелно
Концерт на добитниците на наградата на СМУМ на натпреварот „Охридски бисери“

Недела, 20 октомври 2024, 20 часот, Музеј на македонската борба
Програма: Л. ван Бетовен, Ф. Шопен, Т. Зографски, Ф. Лист, Џ. Тартини, Д. Шостакович, А. Шнитке

Иван Стојанов – пијано
Иван Стојанов е роден во 2006 година во Кавадарци, Македонија. Со музиката започнува на 8 години, првично изучувајќи саксофон во музичкото училиште „Лазо Мицев-Рале“ во Кавадарци. За кратко време се истакнува со својот талент, освојувајќи награди на меѓународни натпревари во Пожаревац и Охрид. Подоцна, се пренасочува кон пијаното, што го отвора патот кон многубројни успеси на национално и меѓународно ниво. Иван завршува основно образование под менторство на проф. м-р Весна Павлова и го продолжува образованието во ДМБУЦ „Илија Николовски Луј“ – Скопје, во класата на проф. м-р Катерина Ќетковиќ-Фидановска. За време на неговото образование, Иван освојува бројни награди на пијанистички и теоретски натпревари, вклучувајќи први места на државни натпревари и специјални награди. Настапува на концерти организирани од неговото училиште и музичка младина, а на 01.06.2023 дебитира со Македонската филхармонија. Иван учествува на меѓународни семинари и летни школи каде што работи со врвни професори од Хрватска, Турција, Германија и други.

ПИЈАНО ТРИО: Ана Кузманоска – пијано, Лина Николоска – виолина, Антица Николоска - виолина
Ана Кузманоска е родена на 3. декември 2011 година и живее во Охрид, Македонија. Таа е редовен ученик во ООМУ „Методи Патче“ – Охрид, во класата на проф. Ана Ѓорѓиоска. Ана активно учествува на концерти организирани од училиштето, како и на бројни надворешни настани, демонстрирајќи својата љубов кон музиката и талентот на сцената. Нејзината посветеност и труд се видливи и на натпреварите, каде што постигнува извонредни резултати на општински, регионални и државни нивоа, а исто така учествува и на меѓународни натпревари во Република Македонија и странство. Досега, Ана ги има постигнато следниве значајни резултати:
  • 2019 год. „Охрид те сакам“ (Охрид) – I награда
  • 2020 год. „Млади таленти“ (Скопје) – Специјална прва награда
  • 2021 год. Општински, регионален и државен натпревар – 1-во место
  • 2021 год. „Охрид те сакам“ (Охрид) – II награда
  • 2021 год. „Нови ѕвезди“ (Париз) – II награда
  • 2022 год. Општински, регионален и државен натпревар – 1-во место
  • 2022 год. „Полихимнија“ – Специјална прва награда и награда за Најуспешен млад натпреварувач
  • 2022 год. „Нови ѕвезди“ (Париз) – III награда
  • 2023 год. „Даворин Јенко“ (Белград) – II награда
  • 2023 год. „Џовани Музицисти“ (Тревизо) – III награда
  • 2023 год. Општински, регионален и државен натпревар – Специјална прва награда
  • International Competition Tartini 2024 (Пиран) – Втора награда
  • Меѓународен натпревар „Охридски бисери“ 2024 – Прва награда
Лина Николоска е родена на 25 октомври 2009 година во Охрид, Македонија. Таа го започнува своето образование по виолина во ООМУ „Методи Патче“ – Охрид, под менторство на проф. Христина Пецаковска Николеска. Со својата посветеност и извонреден талент, Лина учествува на бројни домашни и меѓународни натпревари, каде што постигнува значајни успеси. Меѓу нејзините најзначајни награди се:
  • Прва награда на „Охридски бисери“ 2024 година
  • Втора награда на „International Competition Tartini“ во Пиран, 2024 година
  • Сребрен медал на „The golden keys – Les sled d’or“ во Париз, 2021 година
  • Прва награда на „Полихимнија“ во Скопје, 2021 година
  • Трета награда на „Giovani Musicisti“ во Тревизо, Италија, 2019 година
  • Втора награда на „Охридски бисери“ 2018 година
  • Прва награда на „International Arskosova music Competition“ во Приштина, Косово, 2018 година
  • Прва награда со 100 поени на Државниот натпревар во 2018 година
  • Настап на „Concerti del Tempietto“ во Рим, Италија, 2017 година
Лина го продолжува своето образование во ДМУ „Тодор Скаловски-Тетоец“ – Струга, под менторство на проф. Христина Пецаковска Николеска, и продолжува да се развива како талентиран млад музичар.

Антица Николоска е млад талент на виолина од Охрид, која со само 11 години веќе постигнала значајни успеси во музичката сфера. Таа го започнува своето изучување на виолина на 7-годишна возраст и за кратко време успева да освои неколку престижни награди на натпревари, вклучувајќи:
  • Трето место на Државниот натпревар во Скопје (26-28.05.2021 година)
  • Втора награда на Државниот натпревар во Скопје (18-19.05.2022 година)
  • Прва награда на Меѓународниот фестивал „Полихимнија“ во Скопје (2022 година)
  • Прво место со 100,00 бодови на Државниот натпревар во Скопје (17-18.05.2023 година)
  • Втора награда на Меѓународниот фестивал „Полихимнија“ во Скопје (2023 година)
  • Втора награда на „International Competition Tartini“ во Пиран (2024 година)
  • Прва награда на Меѓународниот натпревар „Охридски бисери“ (2024 година)
Антица учи во ООМУ „Методи Патче“ во Охрид под менторство на проф. Мухамед Бајрам.

Влезот е слободен.